2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Оммавий қабулларда қандай муаммоларга ечим топиляпти?

Президент Халқ қабулхоналари Бухоро ва Когон шаҳарлари, Жондор, Қоракўл, Ғиждувон, Пешкў туманларида ташкил қилган мулоқотларда вилоятнинг барча ҳудуди аҳолиси қамраб олиниб, очиқ-ошкора суҳбатларда ҳар бир масалага қонуний ечим топиш учун куч ва имкониятлар сафарбар қилинди.

Оммавий қабулларда Олий суд ва Судьялар олий кенгаши раҳбарлари 901 та масалани кўриб чиқиб, уларнинг 423 тасига жойида ечим топиб берди. Жумладан, қабуллар жараёнида Бухоро ва Когон шаҳарлари, Ғиждувон, Жондор, Олот, Қоракўл, Пешкў, Вобкент, Ромитан, Когон туманлари судлари ўтказган сайёр суд мажлисларида жами 60 нафар шахс жазони ўташдан муддатидан олдин шартли озод қилинди.

Бухоро вилояти суди жиноят ишлари бўйича судлов ҳайъати 1 нафар шахсни оқлаган бўлса, 47 нафар шахс маъмурий жавобгарликдан озод қилинди, бир шикоят бўйича суд қарори ижроси тўхтатилди.

  

Шунингдек, судлар 119 нафар мурожаатчининг аризалари асосида уларга алимент ундириш юзасидан суд буйруғи чиқариб берилди. 17 нафар мурожаатчининг юридик аҳамиятга эга фактларни белгилаш бўйича аризаси қаноатлантирилди. Ажрашиш ёқасига келиб қолган оилалар билан суҳбатлар ўтказилиб, 42 нафар вояга етмаган фарзанди бор 27 та оила яраштирилди. Иқтисодий судлар кўриб чиққан 129 та  иш бўйича тадбиркорларнинг фойдасига жами 2,1 млрд. сўм ундирилиши белгиланди.

Бош прокуратура масъуллари келиб тушган 200 та масаланинг ҳар бирини мурожаатчи ва вилоят прокуратураси раҳбарияти билан юзма-юз муҳокама қилди. Улар асосан тергов-суриштирув, суд қарорларини қайта кўриб чиқиш, суд қарорлари ижроси, тадбиркорлик ва бошқа масалалардаги ариза-ю шикоятлардан иборат. Мулоқотлар давомида кўпчилик мулкига зарар етказилган йирик фирибгарлик ҳолатлари билан боғлиқ жиноятлар бўйича тергов жараёнлари устидан ҳам қатъий назорат ўрнатилди. Дейлик, Пешкў тумани Куёвхўжа маҳалласидан келган мурожаатчиларнинг муаммоси битта – улар меҳнатсиз даромадга қизиқиб, “молиявий пирамида” домига тушиб қолишган. Пулларини ўз қўллари билан ҳамқишлоғига элтиб беришган, фирибгар ҳамқишлоқ эса уларни алдаб кетган. Айтилишича, бу “молиявий пирамида”дан жабр кўрганлар – 31 киши, улар даъво қилаётган сумма эса 7,1 миллиард сўмдан зиёд. Албатта, улар бу зарарга ўзлари ҳам айбдорлигини инкор қилмаяпти, шу билан бирга тергов ва суд жараёнлари адолатли ўтказилиб, фирибгарга тегишли мол-мулклар тўлиқ хатланишини сўрашмоқда. Бош прокуратура масъуллари бу борада қонунийлик ва адолат таъминланишини ўз назоратига олди.

Мулоқотларда тадбиркорлик субъектларидан келиб тушган мурожаатларни ҳал қилишга алоҳида эътибор қаратилди. Жумладан, Когон шаҳрида кўп йилдан буён фаолият олиб бораётган «Мегастрой» МЧЖ раҳбари Ҳамза Саидовнинг арз қилишича, корхона ишлаб чиқарган қурилиш материалларини харид қилганлардан айримлари тўловларни тўлаб бермаяпти. Бу масала суд тартибида кўрилган, Бухоро вилояти иқтисодий судиининг ҳал қилув қарорига асосан «Seying produksion» МЧЖдан 76 миллион сўм асосий қарзни даъвогар фойдасига ундириш белгиланган. Бироқ орадан бир йилдан зиёд вақт ўтса-да, суд карори ижро қилинмаган. Тадбиркорнинг Бош прокуратура мутасаддиларига мурожаатидан сўнг мазкур суд қарори ижросини таъминлашга киришилди.

Ички ишлар вазирлиги масъуллари ички ишлар органларига ишга тикланиш ва ишга кириш, суриштирув ва тергов, фуқаролик, паспорт-виза, мол-мулк ёки буюмларни қайтариб олиш, йўл ҳаракати хавфсизлигини таъминлаш, жазони ижро этиш ва бошқа масалаларга оид 164 та мурожаатни кўриб чиқди. Уларнинг 76 таси жойида ҳал қилинди. Хусусан, 33 нафар шахсларни муддатидан олдин шартли равишда озод қилиш бўйича судларга тақдимнома киритилди, фуқаролиги бўлмаган 24 нафар шахснинг Ўзбекистон Республикаси фуқаролигига қабул қилиш юзасидан ҳужжатлари расмийлаштирилди.

Оммавий қабуллар давомида барча соҳа мутасаддиларининг биргаликдаги саъй-ҳаракатлари натижасида 79 нафар фуқаро ишга жойлаштирилди, 18 нафар фуқарога 1,1 млрд. сўмдан зиёд имтиёзли кредитлар ажратилди. Хусусан,  Шофиркон тумани “Талисафед” қишлоғида яшовчи Шерали Ҳайитовга мебелчилик фаолиятини кенгайтириши учун 75 млн. сўм, қоракўллик Дилнора Ҳамроевага сувни фильтрлаш ускунасини сотиб олиши учун 33 млн. сўм имтиёзли кредит ажратилиши таъминланди.

Ижтимоий ҳимояга муҳтож 8 та оилага уй-жойини таъмирлаши учун 350 млн. сўмлик қурилиш материаллари олиб берилди, худди шу масалада мурожаат қилган яна 6 нафар фуқарога 110 млн. сўм ажратилди, “темир дафтар”даги 9 та оиланинг талаба фарзандлари олий таълим олиши учун 27,8 сўмлик шартнома тўловлари тўлаб берилди. Мурожаатчиларнинг 106 нафарига шифохонада, 120 нафарига санаторияларда бепул даволаниши учун йўлланмалар ажратилди.

Умумлаштириб айтганда, Бухоро вилоятида ўтказилган оммавий қабулларда 2 минг 27 нафар мурожаатчининг 2 минг 158 та масаласи кўриб чиқилди. Уларнинг 765 таси жойида ҳал этилди, 659 та мурожаат бўйича ҳуқуқий маслаҳат ва тушунтиришлар берилди, қўшимча ўрганиш талаб этиладиган 734 та масала бўйича аниқ муддат ва масъуллар белгиланиб, назоратга олинди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти

Фойдали ресурслар