2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Оролбўйида байрам сайллари

Мамлакатимизнинг барча ҳудудлари сингари Оролбўйида ҳам яшариш ва янгиланиш айёми – Наврўз карантин қоидаларига риоя қилинган ҳолда кенг турда нишонланмоқда.

Нукус шаҳрининг И.Савицкий номли Қорақалпоқ давлат санъат музейи ва Ёшлар маркази ёнидаги байрамона безатилган майдонларда «Наврўзинг – янги кунинг, янги давронинг муборак, жонажон Ўзбекистон!» шиори остида театрлаштирилган адабий-мусиқий байрам тадбири бўлиб ўтди.

Қадим тарихга эга Наврўзи олам – шарқона янги йил ўзининг янгиланиш, баҳор нафасини бошлаб келиши, халқимизнинг табиати, онгу тафаккури, қалбига чуқур сингиб кетгани, ҳар қайси оила, ҳар қайси хонадонга шоду ҳуррамлик олиб кириши билан ҳам миллий байрамдир. Баҳорнинг кириб келиши билан миришкор деҳқонларимиз, фермерларимиз катта умид билан ерга уруғ қадамоқда.

Азалдан маълумки, миллий қадриятларимизни ўзида мужассам этган Наврўз халқимизга хос эзгулик, бағрикенглик, инсонпарварлик, меҳр-оқибат байрами ҳисобланади.

Концерт дастури Ўзбекистон давлат филармонияси Қорақалпоғистон бўлими раққосалари ижросидаги «Хуш келдинг, Наврўз!» композицияси билан бошланди.

Фольклор жамоалари ижросидаги миллий куй-қўшиқлар тадбирга янада файз бағишлади.

Келажагимиз эгалари бўлган болалар, мамлакатимизни дунёга танитаётган спортчиларнинг чиқишлари байрам иштирокчиларида катта таассурот қолдирди.

Юртимизда турли миллат ва элат вакиллари биродарликда, тинчлик-тотувликда яшаб келмоқда. Уларнинг ўз она тилида билим олиши, миллий қадриятлари ва урф-одатларини ривожлантириш учун барча шарт-шароит яратилган. Президентимизнинг ташаббуси билан ҳар йили 30 июль – мамлакатимизда “Халқлар дўстлиги куни” деб нишонланадиган бўлди. Турли миллат вакиллари ижросидаги куй-қўшиқларни йиғилганлар катта қизиқиш билан томоша қилди.

Бердақ номидаги Қорақалпоқ давлат университетининг “Ҳурлиман”, Ажинияз номидаги Нукус давлат педагогика институтининг “Тўмарис”, шунингдек Ўзбекистон давлат санъат ва маданият институти Нукус филиали талабаларининг ёшларга яратилган шарт-шароитлар, Мўйноқ туманида амалга оширилаётган бунёдкорлик ишларини тараннум этувчи куй-қўшиқлар ижро этилди.

Таниқли санъаткорлар ва ёш ижрочиларнинг байрамга бағишланган концерт дастури юқори кайфият бағишлади.

Тадбирда Қорақалпоғистон Республикаси Жўқорғи Кенгеси Раиси М.Камалов иштирок этди.

Яшариш ва янгиланиш айёми Наврўзга бағишланган халқ сайллари Оролбўйининг барча туманларида давом этмоқда.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти

Фойдали ресурслар