2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Орол денгизининг қуриган майдонига уруғлар самолётда сепилмоқда. Улар ўсиб чиқадими?

Орол денгизининг қуриган майдонига экилаётган саксовуллар уруғда ва кўчатда экиляпти. Кўчатда экилгани ўсиши мумкин, аммо самолётда экилгани-чи? Самодан сепилган уруғлар шамол билан учиб, битта чуқур жойга йиғилиб қолмайдими?

Айбек Аминов, Қорақалпоғистон Республикаси Ўрмон хўжалиги қўмитаси раиси ЎзА мухбирининг саволларига жавоб берди:

– Йўқ, учиб кетмайди. Уруғлар қумликка сепилади. Эътибор берган бўлсангиз, саксовул, қандим, юлғун каби чўл ўсимликлари уруғларининг шапалоғи бўлади. Шу шапалоқлар ерга тушгандан кейин қумга ёпишиб қолади. Шамол бўлса аксинча уруғнинг устига қум босилиб, унинг ўсиб-ривожланишига яхши имконият яратилади. Саҳроликларда саксовуллар қандай қилиб ўсиб туради дейсиз, уларни бирон киши ерни қазиб уруғни кўмиб экмаган. Уруғи табиий равишда ерга тушиб қумга ёпишиб қолган ва ривожланган.  

Ҳозир Қорақалпоғистон ҳудудида Устюрт, Қизилқум, Қорақумдан бошқа Оролқум деган саҳролик ҳам пайдо бўлди. Оролқум айнан Орол денгизининг қуриган майдонида шаклланди. Оролқумдаги самолётда экилган уруғлар аллақачон бўй чўзиб кетган.

Самолёт 20-30 метргача кўтарилиб, уруғ сочиб юборилган пайтда уруғлар 150-200 метр масофада ерга ёйилиб тушади.

Жорий мавсумда Оролнинг қуриган майдонида 450 минг гектар ерга ўрмон барпо қилиш режалаштирилган. Шунинг 35 минг гектарига кўчатдан, 340 минг гектарига уруғдан экилади. Қолган 75 минг гектар майдон аввал экилиб, аммо, сийрак чиққан ерлар саналади. Бу ерларга ҳам қайта экиш ишлари олиб борилади. Бугунги кунгача 220 минг гектардан ортиқ майдонга экиш ишлари амалга оширилди, яъни, режа 50 фоизга яқинлади.

Уруғдан экишнинг асосий ҳиссаси самолётга тегишли. Масалан, 340 минг гектар майдонга уруғдан экиладиган бўлса, шунинг 40 минг гектарига техникалар ёрдамида, 300 минг гектарига эса самолётда экилади. Ўрмонлаштириш тадбирларида дельтапланлардан ҳам фойдаланилмоқда.  

Қуриган денгиз ўрнига асосан чўл ўсимликлари бўлган саксовул, юлғун, қандим, қарабарақ экилмоқда. Ўрмонлаштириш ишларига 592 трактор, ускуналар, 4 АН-2 самолёти, 700 нафар ишчи-ходим жалб қилинган.

Мавсум бошидан буён 1150 тоннадан ортиқ чўл ўсимликлари уруғи тўпланди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти

Фойдали ресурслар