2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
"Маҳаллабай" ишлаш тизими бўйича Фарғона тажрибаси яратилади

Президентимиз барча даражадаги раҳбарларга фаолияти давомида энг қуйи тизим – маҳалладаги аниқ ҳолатни ўрганишни муҳим вазифа сифатида белгилаб бераётгани бежиз эмас.

Бу юртимиздаги ҳар бир ҳудудни ижтимоий-иқтисодий жиҳатдан ривожлантириш, маҳалланинг «ўсиш нуқта»ларини аниқлаш имконини беради. Шу асосда ҳар бир маҳалланинг ўзига хос ҳаёт тарзидан келиб чиқиб, ҳудудларни ривожлантириш дастурлари ва камбағалликни қисқартириш режалари ишлаб чиқилади.

Айни кунларда вазирлик ва тармоқлар, банклар вакилларидан иборат Республика ишчи гуруҳи томонидан Фарғона вилоятидаги мавжуд 1 минг 41 маҳалланинг муаммолари атрофлича ўрганилмоқда. Уларда яшовчи аҳолининг имкониятлари, одамларнинг даромадини ошириш, қайси йўналишлар бўйича иш олиб бориш кераклигига алоҳида эътибор қаратиляпти. "Маҳаллабай" ишлаш тизимида вилоятда янги тажриба яратилмоқда.

Риштон туманида ҳам ўрганишлар давом этаётган бўлиб, камбағалликни қисқартириш, аҳолини даромад топишига кўмаклашиш чоралари кўрилмоқда.

Ишчи гуруҳи вакиллари "Воҳим" маҳалла фуқаролар йиғинида яшовчи Нилуфар Усмонова хонадонида бўлишди. Айни дамда ўз уйида тикувчилик билан шуғулланаётган Нилуфар келажакда тикувчилик цехини очишни мақсад қилган. Ишчи гуруҳи вакиллари унга кредит олишда ва тадбиркорлик сирларини ўрганиш учун махсус ўқув курсларида таҳсил олишга ёрдам беришларини билдирди. Бу таклиф ёш тадбиркорга маъқул бўлди.

Қалайнов маҳалласи яшовчи Сайёджон Мамаражабов "Ёшлар дафтари" рўйхатига киритилган. Дадаси иккинчи гуруҳ ногирони. У Риштон кулолчилик ҳунарини ўрганган. Касаначилик асосида сопол буюмлар тайёрлайди. Аммо маблағ йўқлиги боис, ўз бизнесини йўлга қўя олмаётгани маълум бўлди. Савдо саноат палатаси томонидан бу ёш тадбиркорга имтиёзли кредит бериладиган бўлди.

"Маҳаллабай" тизимидаги тадбирлар "Зоҳидон" маҳалла фуқаролар йиғинида давом этди. Маҳалла аҳли асосан томорқачилик билан шуғулланади.  

“Темир дафтар”га киритилган Улуғбек Шарипов ўтган йили баҳорда банкдан имтиёзли кредит олиб, томорқасида иссиқхона ташкил этганди. Ҳозирга келиб у иссиқхонадан анчагина даромад олишга эришди. Албатта бу имкониятдан оила аъзолари ҳам унумли фойдаланишмоқда.  

Айни кунларда туманда ишчи гуруҳи томонидан ҳудуддаги 69 та маҳаллаларда ёшларни қийнаётган муаммоларга ечим топиш, уларнинг бандлигини таъминлаш, тадбиркорликка йўналтириш, турли муаммоларни ҳал қилиш режалаштирилган.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси

Фойдали ресурслар