2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Вилоят ҳокими уйма-уй юриб, аҳолининг томорқадан фойдаланиш ва қишга тайёргарлик ҳолатини ўрганди

Наманган вилояти ҳокими вазифасини бажарувчи Шавкат Абдураззоқов Янги йилнинг илк кунларидаги фаолиятини халқ билан мулоқот қилишдан бошлади.

Вилоят раҳбари тегишли ташкилотлар ва секторлар мутасаддилари ҳамроҳлигида Уйчи туманидаги Овчибулоқ маҳалласига борди.

Айтиш керакки, 668 хонадонда 4 минг 500дан зиёд аҳоли истиқомат қилаётган Овчибулоқда одамлар асосан деҳқончилик, ҳунармандлик, тадбиркорлик ва савдо-сотиқ билан шуғулланиб келишади.

— Кичик саноат зонаси жойлашадиган Овчибулоқ - энг обод маҳаллага айланиши керак, — деди ҳудуд билан танишган Шавкат Абдураззоқов. — Уч ойлик дастур тайёрланиб, маҳалла инфратузилмаси яхшиланиши, ҳудудда жойлашган мактаб, шифохонада зарур шарт-шароитларни ҳозирла, болалар боғчаси, маҳалла фуқаролар йиғини учун замонавий бино қурилиши, йўл, сув, электр масалаларидаги муаммолар ечилиши, тунги ёритиш чироқлари бўлиши керак. Кичик саноат зонасида яратиладиган иш ўринларига энг аввало, маҳаллий аҳоли қабул қилиниши, бунинг учун ҳозирдан аниқ буюртмалар шакллантирилиши лозим.

Вилоят раҳбари уйма-уй юриб, хонадонларда томорқадан самарали фойдаланиш, қишки мавсумга тайёргарлик билан қизиқди. Одамларни Янги йил байрами билан табриклаб,  Президентимизнинг Олий Мажлисга Мурожаатномасида аҳоли фаровонлиги ва розилигини таъминлаш бўйича муҳим вазифалар белгиланганлигига эътибор қаратди.

“Кўркам” кўчасида яшовчи Авазхон Жабборов, Алишер Қодиралиев,  Обиджон Нуриддиновларга томорқадан унумли фойдаланиш юзасидан фойдали тавсияларини берди.  

Ўрганиш натижаси ўлароқ ёқилғига эҳтиёжи мавжуд меҳнат фахрийси Манзура Убайдуллаеванинг хонадонига кўмир етказиб бериладиган бўлди.

Чуртук маҳалласида истиқомат қилаётган Дилором Обидова савдо йўналишидаги фаолиятини кенгайтириш учун кредит олиш масаласида мурожаат қилди. Меҳнат фахрийси Ҳайдаржон Содиқовнинг светафор ўрнатиш, қабристонларни ободонлаштириш, автобус қатновини йўлга қўйиш каби масалалардаги мурожаати бўйича мутасадди ташкилотларнинг раҳбарларига тегишли топшириқлар берилди.  

Ўрганиш давомида маҳалладаги эҳтиёжманд, кам таъминланган оилаларга озиқ-овқат маҳсулотлари топширилди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти

Фойдали ресурслар