2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Эркинжон Турдимов: "Ёшлар билан учрашувни туман марказида эмас, маҳаллаларда ўтказамиз"

Самарқанд вилояти ҳокими Э.Турдимовнинг навбатдаги учрашуви вилоятнинг энг олис ҳудудларидан бири – Пахтачи туманининг Сардоба маҳалласида ўтказилди.

 Учрашувда шу маҳаллада яшовчи ёшлар иштирок этиб, ўз муаммо ва масалалари юзасидан вилоят ҳокимига мурожаат қилди.  

 – Илгари бундай учрашувларни шаҳар ёки туман марказидаги катта, чиройли залларда ўтказардик, – деди Э.Турдимов. – Таклиф этиладиганлар ҳам кўпчиликка таниш – фаол, кўзга кўринган ёшлар, чемпион спортчилар, кўксига турли медлларни тақиб олган йигит-қизлар бўларди. Бир ярим-икки соат давомида турли саволлар, таклифлар айтиларди (улар ҳам кўп ҳолларда олдиндан тайёрлаб қўйиларди). Шу билан учрашув тугарди. Ҳақиқатдан ҳам муаммолари бор ёшлар олис маҳаллалар, қишлоқларда қолиб кетаверарди. Энди бундай учрашувларни маҳалла, қишлоқнинг ўзида ташкил этамиз, ўша ҳудуд ёшлари билан гапалашамиз. Бугун сизнинг ҳузурингизга ҳам шу ниятда келганмиз. Бугун сиз гапирасиз, биз эшитамиз. Сиз муаммони ўртага қўясиз, биз ҳал қилиш чорасини кўрамиз.

  Шундан сўнг ёшлар ўз муаммолари юзасидан вилоят ҳокимига мурожаат қилди. Жумладан, Гулнисо Раҳматова олий ўқув юртини маданият йўналишида битирган бўлса-да кутубхонада ишга жойлашолмаётганини айтди. Уни уч кун муддат ичида ишга жойлаштириш бўйича масъулларга топшириқ берилди. 6-умумий ўрта таълим мактаби ўқитувчиси Маҳлиё Муҳаммадиева муассасада электрон доска, лаборатория жиҳозлари йўқлигини айтиб, ушбу масалада вилоят ҳокимидан ёрдам сўради. Вилоят молия ва халқ таълими бошқармалари тез кунда мактабга етказиб берадиган бўлди.

 Учрашув давомида банкдан кредит олиш билан боғлиқ кўплаб муаммолар ҳам айтилди ва вилоят ҳокими Марказий банк вилоят бош бошқармаси бошлиғига ҳар бир мурожаатни ижобий ҳал қилиш топшириғини берди.

 – Йигирма сотих ҳовлимиз бор, – дейди Алишер Эрназаров. – Ундан самарали фойдаланиш мақсадида иссиқхона ташкил этмоқчи эдим. Аммо 5 ойдан буён банкдан кредит ололмаяпман. Вилоят ҳокимига ушбу масалада мурожаат қилгандим, уч кун ичида зарур маблағ ажратиб берилишини маълум қилишди.

 Сардобалик ёшлар билан учрашув давомида 70 дан ортиқ мурожаат қайд этилиб, уларни белгиланган муддатларда ҳал этиш бўйича масъулларга топшириқлар берилди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти

Фойдали ресурслар