Адлия вазири ўринбосари Х.Мелиев Сурхондарё вилоятидаги марказдан энг олис ҳудудда жойлашган маҳаллада аҳоли муаммоларини ўрганди.

Ўрмончи маҳалласи вилоят марказидан қарийб 200 км узоқликда бўлиб, Бойсун туманининг тоғли ҳудудларидан бири ҳисобланади.  

Х.Мелиев Ўрмончи маҳалласида уйма-уй юриб, фуқароларга ҳуқуқий маслаҳатлар берди, шунингдек, шахсини тасдиқловчи ҳужжати мавжуд бўлмаган бир фуқаронинг мурожаати иш юритувига қабул қилиниб, амалий ёрдам кўрсатилиши маълум қилинди.  

Вазир ўринбосари 50- ҳамда 53-сонли мактабларда бўлиб, ўқувчи ва педагоглар учун яратилган шарт-шароитларни кўздан кечирди. Ушбу мактабларда Юридик хизмат кўрсатиш маркази томонидан ҳамкорликда амалга оширилаётган ишлар билан танишди.  

Х.Мелиев “Ўрмончи” МФЙ биносида маҳалла масъуллари билан учрашиб, муаммоларга тўхталди ва ўзининг фикр- мулоҳазаларини билдирди.