Аҳоли мурожаатларини ўрганиш, ўз вақтида ҳал этилишига эришиш учун жойларда “Ҳудудгазтаъминот” АЖ бошқарув раиси иштирокида сайёр қабуллар ўтказилмоқда. Навбатдаги қабул Бухоро вилоятида бўлиб ўтди.

Сайёр қабулда 100 нафардан ортиқ истеъмолчи иштирок этиб, 25 дан ортиқ мурожаат келиб тушди. Шубҳасиз, мурожаатлар турли мазмунда бўлди. Ер ости газ қувурларига эътибор бериш, янги хонадонларга замонавий ҳисоблагич ўрнатиш тартиби, қарздорлик масаласи, табиий газ босимини янада яхшилаш борасидаги кўплаб мурожаатлар ўрганилди. Ҳар бир ўрганилган мурожаат юзасидан уларнинг амалий ечимларига эътибор қаратилди. Ижобий жиҳатдан ҳал этилишига эришилган бўлса, баъзилари юзасидан эса белгиланган тартиб асосида тушунтиришлар берилди.

–Сайёр қабул ҳақидаги эълонни эшитиб, иштирок этдик, –дейди 91 ёшли фуқаро Теша Файзиев. –Мурожаатларимиз тингланди. “Дилкушо” маҳалла фуқаролар йиғинида яшайман. Газ қувури билан боғлиқ мурожаатим бор эди. Мурожаатни ўрганиш учун шаҳар газ корхонасига аниқ вазифалар белгилаб берилди, ўрганишди, бартараф этилишига эришилмоқда. Жуда хурсанд бўлдик. Шундай сайёр қабулларнинг ташкил этилиши кўплаб муаммоларнинг бартараф этилишини таъминлайди. 

Сайёр қабул жараёнида истеъмолчиларга табиий газни иқтисод қилиш юзасидан зарур тавсиялар берилди. Энергия самарадорлигини ошириш бўйича қўшимча тушунтиришлар ўтказилди.