Стратегия действий по пяти приоритетным направлениям развития Республики Узбекистан в 2017-2021 годы
Сурхондарёда оммавий қабул давом этади

Сурхондарё вилоятида Ўзбекистон Республикаси Президенти Администрацияси, Президент Халқ қабулхоналари, Олий суд, Судьялар Олий Кенгаши, Бош прокуратура, Ички ишлар вазирлиги, Адлия вазирлиги ҳамда Давлат божхона қўмитаси раҳбар ҳамда ходимлари иштирокида оммавий қабул бошланди.

Термиз туманидаги Отчопар масканида бўлиб ўтган очиқ мулоқот чоғида мамлакатимизда демократик ва эркин фуқаролик жамияти барпо этиш, фуқароларнинг ҳуқуқ ва эркинликларини ишончли ҳимоя қилиш кафолатларини кенгайтиришга алоҳида эътибор қаратилаётгани таъкидланди. Одил судловга эришиш, суд иши юритувини янада яхшилаб, самарадорлигини таъминлаш юзасидан амалга оширилаётган ислоҳотлар ўз самараларини бераётгани қайд этилди.

Қабулда Термиз шаҳри, Ангор, Музработ, Термиз ва Жарқўрғон туманида яшайдиган фуқароларнинг суд-ҳуқуқ соҳасидаги мурожаатлари тингланиб, уларга самарали ечим топиш йўллари изланди.

Мурожаатларнинг аксариятини фуқароларнинг бузилган ҳақ-ҳуқуқларини тиклаш, белгиланган жазони енгиллаштириш, уй-жой, мерос, тадбиркорлик фаолияти, ижтимоий ҳимоя каби масалалар ташкил этди.

Қабул доирасида ички ишлар идоралари пробация гуруҳи ҳисобида жазо муддатини ўтаётган йигирмага яқин маҳкум жазодан муддатидан олдин шартли равишда озод этилди.

–Мурожаати қаноатлантирилган маҳкумларнинг 9 нафари Термиз шаҳар бўйича ички ишлар органлари фаолиятини мувофиқлаштириш бошқармаси пробация гуруҳи ҳисобида жазо муддатини ўтаётган шахслардир,– дейди жиноят ишлари бўйича Термиз шаҳар суди раиси И.Шайманов.–Уларнинг барчаси меҳнатга ҳалол муносабатда бўлиб, жазо ўташнинг тартиб қоидаларига қатьий риоя этгани ва тузалиш йўлига ўтиб, судлар томонидан ўрнатилган тақиқ ва чекловларга тўлиқ амал қилгани ҳамда ҳулқ-атворини ижобий томонга ўзгартиргани учун жазодан муддатидан илгари шартли равишда озод этилди. Бу ҳам мамлакатимизда сўнгги йилларда суд ҳокимиятининг чинакам мустақиллигини, фуқаролар ҳуқуқ ва эркинликларининг ишончли ҳимоясини таъминлаш йўлида юз бераётган ўзгаришлар самарасидир.

Шу куни одил суд билиб-билмай содир қилган жиноятининг оқибатларини тўла англаб етган, ахлоқан тузалиш йўлига ўтган маҳкумлар учун яна бир имконият бериб, уларнинг жамиятда ўз ўрнини топиши, муносиб хулқ-атворда бўлиб, Ватан тараққиётига ўз ҳиссасини қўшиши, оиласида тинч-хотиржам яшашига ишонч билдирди.

–Оқибатини ўйламай содир этган жиноятим сабабли менга 3 йил 6 ой муддатга озодликни чеклаш жазоси тайинланган эди,–дейди Термиз шаҳрилик Г.Хаитова.– Қилмишимнинг оқибатларини тўғри тушуниб етдим. Пушаймон бўлдим. Икки йилу 5 ой суд қарорида белгиланган жазо ўташ қоидаларига тўлиқ амал қилишга интилдим. Мана, мурожаатим эътиборга олиниб, ўталмаган 1 йилу 1 ой жазо муддатимдан илгари шартли равишда озод этилдим. Энди жамиятда ўз ўрнимни топиб, ҳаётимни қайта изга тушириб оламан.

Очиқ мулоқотда 300 фуқаронинг 303 та мурожаати тингланиб, уларнинг 61 таси жойида ҳал этилди. Вақт талаб этадиган 169 та мурожаатга тегишли муддат белгиланиб, ижроси қатьий назоратга олинди. 54 фуқаронинг мурожаати ҳуқуқий маслаҳат бериш орқали ечимини топди. 19 мурожаат бўйича ҳуқуқий тушунтириш берилди.

Вилоятда бошланган оммавий қабул жорий йилнинг 12 июнигача давом этади.

10.06.2021

Решенные обращения

Тип классификации обращенияСпособ направленияДата принятияДата рассмотренияРегион
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Ташкентская область
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Ташкентская область
Муҳтожларга бир марталик моддий ёрдамИшонч телефони27 Январь 202424 Февраль 2024Бухарская область
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Республика Каракалпакстан
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Джизакская область
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхандарьинская область
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самаркандская область

полезные ресурсы