Surxondaryo viloyati Angor tumanida aholi, xususan yoshlar bandligini ta’minlash borasida muayyan ishlar olib borilmoqda.

«Angor Surxon tomorqa xizmati» mas’uliyati cheklangan jamiyatida ishsiz yoshlarga hunar o‘rgatiladi. Ayni paytda bu erda 20 nafardan ortiq yoshlar temirchilik sir-asrorlarini o‘rganmoqda. Shuni ta’kidlash joizki, mazkur MChJ 2 nafar ishchi bilan faoliyat boshlagan bo‘lsa, bugunga kelib 10 dan ziyod uyushmagan yoshlar bu erda ish o‘rniga ega bo‘ldi.

– Tumanimizda ijtimoiy ko‘makka muhtoj oilalar uchun subsidiya asosida bir sotixli issiqxona qurib berilmoqda, - deydi MChJ rahbari Oybek Karimov. –Ayni vaqtda jamoamiz bilan ushbu issiqxonalarni tayyorlayapmiz. Bundan tashqari, xotin-qizlarni ish bilan ta’minlash maqsadida amalga oshirilayotgan loyiha bo‘yicha gilam to‘qish dastgohini hozirlash vazifasini ham zimmamizga olganmiz.

Hunarli bo‘lgan har bir yoshning bandligini ta’minlash orqali mamlakat rivojiga hissa qo‘shadigan ishbilarmonlar safini kengaytirish mumkin. Bu boradagi ishlar davom etmoqda.