2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Xalq qabulxonalari tomonidan ishsiz yoshlar bandligi taʼminlanmoqda

Mamlakatimizda yoshlarning muammolarini chuqur oʻrganib, ularning bandligini taʼminlash yuzasidan yil boshidanoq amaliyotga keng tatbiq etib kelinayotgan yangi gʻoyalar, bir qator tashabbus va loyihalar yuqori samara bermoqda.

Buni Buxoro viloyatining eng chekka hududi sanalgan Qorovulbozor tumani misolida yaqqol koʻrish mumkin. Bugungi kunda tumanda jami 20 ming nafardan ortiq aholi istiqomat qilayotgan boʻlsa, shuning 3916 nafari yoki 19 foizi 18 yoshdan 30 yoshgacha boʻlgan yoshlarni tashkil etadi. Tumanda tuzilgan “Manzilli reja” va “Yoʻl xaritasi” loyihalariga koʻra 2020-yilda hududdagi ishsiz yoshlarning 898 nafarini ish bilan taʼminlash rejalashtirilgan. Joriy yilning hozirgi davriga qadar esa tuman sektor rahbarlari va Oʻzbekiston Respublikasi Prezidentining Qorovulbozor tumani Xalq qabulxonasi bilan oʻzaro hamkorlikdagi muayyan saʼy-harakatlar natijasida 224 nafar yigit–qiz bandligi taʼminlandi.

Shu oʻrinda aniq misollar asosida soʻz yuritadigan boʻlsak, tumanda “Har bir yoshga bir gektar” loyihasi doirasida maxsus dastur ishlab chiqildi. Ushbu dastur asosida hozirgacha unumdor, sugʻoriladigan 15 gektar ekin maydoni gʻayrat-shijoatli yoshlarga taqsimlab berilishi ortidan ikkita muhim masala hal qilinmoqda. Birinchidan, yoshlar bandligi koʻzda tutilgan boʻlsa, ikkinchidan, sifatli oziq-ovqat mahsulotlarini koʻpaytirish imkoniyati yaratildi. Masalan, Namangan viloyatining Chust tumanidan kelgan Sayfulla Tursunaliyev oʻziga tegishli maydonda poliz mahsulotlari yetishtirish barobarida uzumning Fargʻona navlari parvarishini ham yoʻlga qoʻydi.

Qorovulbozorda izlanuvchan, yangilikka intilib faoliyat koʻrsatayotgan yoshlar talaygina. Shulardan biri Anvar Gʻaybullayevdir. Anvar issiqxona sharoitida sitrus mevalari yetishtirish hadisini olgan desak, mubolagʻa boʻlmaydi. U shaxsiy tomorqasida limon, mandarin va apelsin parvarishlab, yaxshigina daromadga ega boʻlmoqda. Bundan tashqari, tadbirkor oʻtgan yildan boshlab, banan yetishtirishni tajribada sinab koʻrdi.

Yosh tadbirkor, masʼuliyati cheklangan jamiyat rahbari Xurshid Jumayev davlatimiz tomonidan yaratilayotgan imkoniyatlardan samarali foydalanib, oʻz muvaffaqiyatlarini yil sayin mustahkamlab bormoqda. Chunki u yer tilini yaxshi biladi. Qolaversa, Xurshid qisqa vaqt oraligʻida qishloq xoʻjaligi ilmini ham puxta oʻzlashtirib oldi. Ayniqsa qahramonimiz bugun issiqxona sharoitida ertangi bodring va pomidor mahsulotlari yetishtirishda oʻzining nimalarga qodir ekanligini koʻrsatmoqda.

Qorovulbozorda Xalq deputatlari Buxoro viloyati kenggashi deputati, tadbirkor Farrux Bekmirzayev yoshlar bandligini taʼminlash yoʻlida keng koʻlamdagi ishlarga qoʻl urmoqda.

Ayni paytda davlatimizning yoshlarga boʻlgan gʻamxoʻrligi bir qator tashabbuslarga qanot bagʻishlamoqda. Bunga misol, qorovulbozorlik Imomali Obloqulovga oʻtgan yili “Yoshlar kelajagimiz” jamgʻarmasi mablagʻlari hisobidan 200 million soʻm kredit ajratildi. Ish koʻzini biladigan Imomali ushbu mablagʻ yordamida chetdan 100 bosh zotli echki sotib oldi. Aytish joizki, 5 kishini ish bilan taʼminlagan yosh tadbirkor ixtiyoridagi echkilar bir yilda 100 boshga koʻpaydi.

Xalq deputatlari Qorovulbozor tumani kenggashi deputati, tashabbuskor va sergʻayrat Alisher Mirzayev tomonidan tuman markazida ohak tosh ishlab chiqarish korxonasi barpo etilganligiga ikki yil boʻlayotir. Mahsulot sifatini korxona koʻzgusiga aylantirayotgan ahil va hamjihat jamoa asosan yoshlardan iboratdir. Bu yerda 2019-yilda 26 ta, 2020-yilda 12 ta yangi ish oʻrni yaratildi.

Buxoro viloyatining Qorovulbozor tumanida yoshlarni munosib ish oʻrinlari bilan taʼminlash uchun sektorlar va tuman Xalq qabulxonasi oʻzaro hamkorlikda amaliy ishlarni davom ettirmoqda.

 

Nabijon Yaxshiyev,

Oʻzbekiston Respublikasi Prezidentining

Qorovulbozor tumani Xalq qabulxonasi mudiri

26.05.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati

Foydali resurslar