2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Qumqo‘rg‘onda saxovot tadbirlari yanada keng quloch yoymoqda

Prezidentimiz tomonidan ilgari surilgan “Saxovat va ko‘mak” umumxalq harakati muborak Ramazon oyida xalqimizni yanada jipslashtirib, sinovli kunlarda ehtiyojmand, ko‘makka muhtoj oilalarni qo‘llab-quvvatlashda yuksak samaralar bermoqda.

Surxondaryo viloyatida ham savobtalab insonlar, saxovatpesha tadbirkor va fermerlar ijtimoiy himoyaga muhtoj, boquvchisini yo‘qotgan hamda nogironligi bor oilalarga yordam qo‘lini cho‘zib, ularga zarur oziq-ovqat mahsulotlari, dori-darmon va boshqa birlamchi ehtiyoj mollari etkazib berayotir. Ularning yashash tarzini o‘zgartirish uchun chorva mollari va parranda bilan ta’minlamoqda. Jumladan, hozirgacha vohada turmush sharoiti og‘ir uch yuzdan ortiq oilaning har biriga bir boshdan sog‘in sigir tuhfa qilindi.

Qumqo‘rg‘on tumanida ham sektorlar kesimida kam ta’minlangan, turmush sharoiti og‘ir oilalar ro‘yxati shakllantirilib, sog‘in sigir tarqatish yo‘lga qo‘yildi. Tuman hokimligi tashabbusi va homiylar ko‘magi bilan dastlab ijtimoiy ko‘makka muhtoj 27 oilaga sog‘in sigir etkazib berilgan bo‘lsa, bugun yana 104 ehtiyojmand xonadon qo‘rasiga bir boshdan qoramol keltirib berildi. Bunday saxovot ko‘makka muhtoj oilalarga qut-baraka va bir olam quvonch ulashayotgani bilan ahamiyatli bo‘lmoqda.

– Turmush o‘rtog‘im vafot etganiga besh yil bo‘lmoqda, – deydi Yangier mahallasida yashovchi X.Umarova. – Uch nafar voyaga etmagan farzandim bor. Hozirgi og‘ir sharoitda ularning ta’minoti meni jiddiy o‘ylantirayotgan edi. Kutilmaganda xonadonimizga bepul sog‘in sigir keltirib berishganidan suyunib, ko‘zlarimga quvonch yoshlari keldi. Chunki, qoramol uyga baraka keltiradi, deb ko‘p eshitganman. Lekin, qo‘lim kaltalik qilib, uni sotib olishning imkonini topolmayotgan edim. Ilohim, ulug‘ oyda bizning turmushimizni o‘ylab, xayr-saxovot ko‘rsatgan, yordam qo‘lini cho‘zganlar hech kam bo‘lmasin. Er yuzidan ko‘zga ko‘rinmas yov tezroq chekinsin. Yurtimizni turli ofatlardan Yaratganning o‘zi asrasin.

Muborak Ramazon oyida tumanda keng quloch yozayotgan bunday xayrli tadbir kam ta’minlangan oilalarni kambag‘allikdan chiqarishga yo‘naltirilgani bilan homiylarda katta qiziqish uyg‘otmoqda. Shunga asosan bunday oilalarga 50 tadan tovuq ham berish yo‘lga qo‘yilib, chin ehtiyojmand oilalar qo‘llab-quvvatlanmoqda.

Hududlarda ezgulikka yo‘g‘rilgan saxovat tadbirlari davom etmoqda.

07.05.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati

Foydali resurslar