Qoraqalpog‘iston Respublikasi Ellikqal’a tumanidagi eng chekka “Chuqurqoq” mahalla fuqarolar yig‘ini hududida maktabgacha ta’lim muassasasi filiali, davolash-profilaktika maskani hamda hammom foydalanishga topshirildi.
Tumandagi “Guliston” ovul fuqarolar yig‘inida joylashgan 17-maktabgacha ta’lim muassasasining 30 bolaga mo‘ljallangan ushbu filiali ochilishi marosimida so‘zga chiqqanlar Prezidentimiz tashabbusi bilan Orolbo‘yining chekka qishloqlarini obodonlashtirish, aholi turmush sharoitlarini yaxshilash, muammolarini joyida bartaraf etish, ijtimoiy infratuzilma inshootlarini qurish va foydalanishga topshirish borasida keng ko‘lamli ishlar amalga oshirilayotganini ta’kidladi.
Avgust oyida Nukus shahridan 230 kilometr uzoqda joylashgan ushbu mahalla fuqarolar yig‘ini mutasaddilar tomonidan o‘rganilgan edi. Uchrashuvda 700 dan ziyod aholi istiqomat qiladigan hududda yo‘l qurilishi, yer maydoni ajratish, aloqa xizmati, turar joy bilan ta’minlash, maktab va maktabgacha ta’lim, tibbiy hamda kommunal xizmat ko‘rsatishda muammolar mavjud ekanligi aniqlangan edi.
O‘tgan qisqa vaqt mobaynida mahallada bir qator qurilish va bunyodkorlik ishlari olib borildi. Yangidan foydalanishga topshirilgan maktabgacha ta’lim muassasasi filialida bolalar qamrovini kelgusi yilda 50 nafarga yetkazish rejalashtirilgan.
Shu kuni 65-qishloq oilaviy poliklinikasining davolash- profilaktika muassasasi ham qayta ta’mirdan chiqarilib, foydalanishga topshirildi. Shoshilinch tibbiy yordam ko‘rsatish shoxobchasiga maxsus avtomashina berildi.
Shuningdek, mahalla aholisi uchun hammom foydalanishga topshirildi.
Tuman avtomobil yo‘llardan foydalanish unitar korxonasi tomonidan ichki yo‘lning 1,3 kilometr qismi ta’mirlanib, suv tozalash inshootini rekonstruksiya qilish ishlari amalga oshirildi va 1,2 kilometr suv tarmog‘i qurildi. Natijada 78 xonadon ichimlik suvi bilan ta’minlandi. Shuningdek, 33-umumta’lim maktabida kapital ta’mirlash ishlari amalga oshirildi.
“O‘zsanoatqurilishmateriallari” uyushmasi homiyligida tuman hokimligi tomonidan kam ta’minlangan oilalarning turar joylari ta’mirlanib, “O‘zbekoziqovqatsanoatxolding” xolding kompaniyasi tomonidan kam ta’minlangan 13 oilaga quyosh batareyalari homiylik asosida o‘rnatib berildi.
Mahallada bunday bunyodkorlik ishlari davom etmoqda.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |