Davlatimiz rahbarining topshirigʻiga muvofiq, aholi bilan toʻgʻridan-toʻgʻri muloqot koʻlami kengaymoqda. Prokuratura organlari ham bu jarayonda bevosita ishtirok etayotir.
Bosh prokuror tomonidan tasdiqlangan grafikka muvofiq barcha hududlarda ommaviy sayyor qabullar oʻtkazilmoqda.
Bosh prokuratura matbuot xizmati xabariga koʻra, joriy yilning iyul va avgust oylarida jami 38 marotaba, shundan 13 marotaba Bosh prokuror va 25 marotaba Bosh prokuror oʻrinbosarlari tomonidan sayyor qabullar oʻtkazildi.
Sayyor qabullarda 314 nafar fuqaro qabul qilinib, 84 nafarining murojaati qanoatlantirilgan.
Masalan, “Aral Moynaq” masʼuliyati cheklangan jamiyatining “Yoshlar kelajagimiz” dasturi asosida ajratilishi belgilangan 300 million soʻm kredit mablagʻi Moliya vazirligidagi resurs masalasidagi muammo sababli “Xalq banki” Moʻynoq filialidan ajratilmayotganligi haqidagi murojaati qanoatlantirilib, jamiyatga kredit mablagʻi olib berilishi taʼminlandi.
Yoki, “Akbar Goʻzal Rustam” masʼuliyati cheklangan jamiyatining zamonaviy tipdagi issiqxona kompleksi qurish uchun 1 ga yer maydoni ajratilishida amaliy yordam koʻrsatish haqidagi murojaati qanoatlantirilib, Urganch tumani hokimining qaroriga asosan tumanning “Gʻalaba” qishloq xoʻjaligi yer xaritasidan 1 ga yer maydoni ajratib berilishi taʼminlandi.
Bosh prokuror oʻrinbosarlari tomonidan oʻtkazilgan sayyor qabullarda esa jami 2 ming 202 nafar fuqaro qabul qilinib, 587 nafarining murojaati qanoatlantirilgan.
Jumladan, 85 nafar fuqaroning yashash uyiga tabiiy gaz yetkazib berilishi, 75 nafar fuqaroga 4,6 milliard soʻm kredit ajratib berilishi, 74 nafar fuqaroning ishga joylashtirilishi, 61 nafar fuqaroga turli xil ijtimoiy yordam berilishi, 49 ta sud qarorlari ijrosi taʼminlanib, 1,2 milliard soʻmlik qarzdorlik summalari undirilishi, 45 nafar fuqaroga sogʻligʻini tiklashda amaliy yordam koʻrsatilishi, 31 nafar fuqaroning uy-joyga doir muammosi hal etilishi, 12 nafar fuqaroga yer maydoni yoki bino ajratilishi, 30 ta tergov va tergovga qadar tekshiruv materiallari, 10 ta sud qarori va 8 ta hokimlik qarori bekor qilinishi, 11 ta elektr energiyasi, 9 ta kadastr, 6 ta taʼlim va 81 ta boshqa sohalarga oid muammolar hal etilishi taʼminlandi.
Bu kabi xayrli ishlar davom etmoqda.
Muattar ROʻZIBOYEVA, OʻzA
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |