Bugungi kunda yurtimizda aliment undiruvlarini monitoring va nazorat qilish bo‘yicha yangicha mexanizm joriy etilib, amalga oshirilayotgan ishlar salmog‘ini oshirish, aliment qarzdorligini undirishga oid ijro hujjatlarining soni va summasini keskin qisqartirish, bu toifadagi ijro hujjatlarini qonuniy hal qilish orqali undiruvchilarning huquqini ishonchli himoya qilish borasida samarali ishlar olib borilmoqda.

Majburiy ijro byurosining Navoiy viloyat boshqarmasi organlari tomonidan birgina joriy yilning iyul va avgust oylarining o‘tgan davri mobaynida jami 17,4 milliard so‘m aliment mablag‘lari undirildi.  

Shuningdek, davlatimiz rahbari tashabbusi bilan ishlab chiqilgan yangicha mahallabay va fuqarobay tizimi asosida xalq bilan muloqot qilish, hududlardagi aholi muammolarini o‘rganish hamda ularga yechim topish, aholining turmush farovonligini yaxshilashga qaratilgan keng ko‘lamdagi ishlar amalga oshirilib, joriy yilning o‘tgan davri mobaynida ijtimoiy daftarlarga 28 milliard so‘m o‘tkazib berildi.  

“Kambag‘allikdan farovonlik sari” dasturi doirasida Byuroning viloyat boshqarmasi va tuman shahar bo‘limlariga 40 ta oila biriktirilgan bo‘lib, ijtimoiy himoyaga muhtoj oilalarning yashash sharoitlari, muammo va takliflari muntazam o‘rganib borilmoqda.

Bu oilalarda tarbiyalanayotgan farzandlarning 41 nafari maktab o‘quvchisi hisoblanadi. Ularga yangi o‘quv yili boshlanishi oldidan homiylar yordamida maktab o‘quv qurollari va kiyim-kechaklar olib berildi.