Buxoroda viloyati soliq boshqarmasi tomonidan hududlarda kichik va o‘rta biznesni yanada rivojlantirish, muammolarni joyida bartaraf etish maqsadida joylarda tadbirkorlar ishtirokida ochiq muloqotlar o‘tkazilmoqda. Romitan tumanida ana shunday navbatdagi uchrashuv o‘tkazildi.

Muloqotda viloyat soliq boshqarmasi boshlig‘i o‘rinbosari Jamshid Nurullayev ishtirok etdi. Unda kichik va o‘rta biznesni yanada rivojlantirish, bu borada ushbu tarmoq vakillariga berilgan yengilliklar hamda soliq imtiyozlari, shuningdek, soliq organlari tomonidan yashirin iqtisodiyotni oldini olish borasida amalga oshirilayotgan ishlarga to‘xtalib, tadbirkorlarga mavjud imtiyozlar to‘g‘risida batafsil tushunchalar berildi. 

Bunday ochiq muloqotlar tadbirkorlar muammolarini joyida hal qilish va ularning faoliyatini qo‘llab-quvvatlashda muhim ahamiyatga ega.