O‘zbekiston Respublikasining “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi qonuni o‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish bilan bog‘liq munosabatlarni tartibga solishda muhim ahamiyat kasb etmoqda.

Mazkur qonun ijrosi doirasida Qoraqalpog‘iston Respublikasi Jo‘qorg‘i Kengesi sessiyasi qarori bilan 24 ta turar joy egalarining o‘zboshimchalik bilan va ortiqcha egallab olgan yerlariga, ularda qurilgan turar joylariga ijara va mulk huquqlari e’tirof etilgan edi.

Qoraqalpog‘iston Respublikasi Vazirlar Kengashida ushbu kadastr hujjatlarini topshirish marosimi bo‘ldi.

Unda Qoraqalpog‘iston Respublikasi Jo‘qorg‘i Kengesi qo‘mita raisi I.Sdikov va boshqalar ishtirok etib, mazkur qonunning mazmun-mohiyatiga hamda ijrosi yuzasidan amalga oshirilayotgan ishlarga to‘xtaldi.

Ta’kidlanganidek, yurtimizda “Inson qadri uchun” ezgu g‘oya asosida fuqarolar hayotida uchrayotgan muammolarni hal etish, ularning farovon hayotinifhnn,c,jg mcg  ta’minlash bo‘yicha keng ko‘lamli chora-tadbirlar amalga oshirilmoqda. Prezidentimiz topshirig‘i bilan qabul qilingan mazkur qonun asosida fuqarolarni yillar davomida qiynab kelgan muammolari o‘z yechimini topayotgani ham ana shu boradagi ezgu ishlardan hisoblanadi.