Poytaxtimizning Yangi Choshtepa mahallasida Toshkent shahar hokimi, Toshkent shahar IIBB HPB, Oila va xotin-qizlar bo‘limlari mas’ullari va yangihayotlik xotin-qizlar ishtirokida davra suhbati tashkil etildi.

Uchrashuvda mahallalarda xavfsiz muhitni yaratish va jinoyatchilikning barvaqt oldini olishda xotin-qizlar faolligi va ishtirokining muhim ahamiyatga ega ekanligi qayd etildi.

Mas’ullarga mahallalardagi notinch, ajrim yoqasiga kelib qolgan oilalarning mavjud muammolarini o‘rganish, ular bilan manzilli ishlash, ishlar samaradorligini oshirish, aholining huquqiy ongi va madaniyatini yuksaltirish maqsadida muntazam targ‘ibot tadbirlarini o‘tkazish bo‘yicha ko‘rsatmalar berildi.

Xotin-qizlarning muammo va takliflari tinglanib, ularga yaqindan ko‘mak berish masalalari ko‘rib chiqildi.