Bugungi kunda tadbirkorlik sub’ektlarining huquqlari va qonuniy manfaatlarini himoya qiluvchi vakil - Biznes-ombudsman tomonidan natijali ishlar olib borilmoqda.

O‘tgan yil davomida tadbirkorlardan 9 ming 127 ta murojaat kelib tushgan bo‘lib, murojaatlarning 51 foizi bo‘yicha tadbirkorning huquqlari tiklandi, qolganlari bo‘yicha huquqiy tushuntirish berilgan.    

Shunga ko‘ra, Biznes-ombudsmanga Farg‘ona viloyatida faoliyat yurituvchi "Umid servis" (nomi o‘zgartirilgan) xususiy korxonasi ortiqcha hisoblangan qarzdorlik va penyadan norozi bo‘lib, murojaat qildi.  

Ma’lum bo‘lishicha, korxona hisob-varag‘ida 12 million so‘m qarzdorlik va 38 million so‘m ortiqcha to‘lov ko‘rsatilgan. Ammo Quvasoy shahar soliq inspeksiyasi korxonaning aslida 50 million so‘m soliq qarzi va 36 million so‘m penya borligini ta’kidlagan.  

Biznes-ombudsman devoni aralashuvi natijasida tadbirkorning hisob-varag‘iga aksiz solig‘i bo‘yicha xatolik bilan kiritilgan soliq qarzdorligi va unga hisoblangan penya soliq organi tomonidan bekor qilindi va tadbirkorning murojaati ijobiy hal etildi.