Sirdaryo viloyati hokimi Akmaljon Mahmudaliyev Guliston davlat universitetida ta’lim olayotgan talabalar bilan uchrashdi.

Dastlab viloyat hokimi professor-o‘qituvchilar va talabalar tomonidan yaratilgan bir necha ilmiy-innovatsion loyihalar taqdimoti bilan tanishdi, ularning samaradorligini oshirish hamda amaliyotga tatbiq etish bo‘yicha o‘z fikrlarini bildirdi.

Ochiq, samimiy tarzda o‘tgan muloqot davomida yoshlarni qiziqtirgan savollarga batafsil javob berildi. Talabalar o‘zlarining o‘qish sharoiti, kelgusi rejalari haqida gapirdi, ularni hayotga tatbiq etishda maslahat va ko‘mak so‘radilar. Har bir taklif va tashabbusni o‘rganib chiqish hamda qo‘llab-quvvatlash bo‘yicha mas’ullarga vazifalar yuklatildi. Bir guruh faol talabalar rag‘batlantirildi.