Buxoro viloyati 4-sektor rahbari D.Yuldashev hududlarda kambag‘allikni qisqartirish, aholi murojaatlarini o‘rganish, ularning muammolariga joyida yechim topish maqsadida sayyor qabul o‘tkazmoqda.

Jumladan, Vobkent tumani “Ko‘lodina” mahalla fuqarolari yig‘inida o‘tkazilgan sayyor qabulda mahalla yettiligi, tuman xalq qabulxonasi hamda tegishli tashkilot vakillari qatnashdi. Unda fuqarolar tomonidan turli ijtimoiy masalalar yuzasidan 15 ga yaqin murojaatlar o‘rganildi.

– Sektor rahbariga sog‘ligimni tiklash maqsadida dori-darmonga muhtojligimni so‘rab murojaat qilgandim, murojaatim shu yerning o‘zida ijobiy yechim topdi va kerakli dori-darmon vositalari yetkazib berildi, – deydi Ko‘lodina mahallasida yashovchi Samiya Rashidova.

Qabul davomida o‘nga yaqin murojaat shu yerning o‘zida hal etildi. Ayrim murojaatlar qonuniy tartibda o‘rganish yuzasidan mas’ullar tomonidan nazoratga olindi.