Namangan viloyati adliya boshqarmasi tomonidan sayyor tartibda davlat xizmatlarini ko‘rsatish orqali fuqarolarning muammolariga yechim topilmoqda.

Xususan, Chust tumani Davlat xizmatlari markazi xodimlari Yutmas mahallasida istiqomat qilayotgan fuqarolar bilan tizimda amalga oshirilayotgan islohotlar haqida suhbatlashdi va mahalla ahliga sayyor xizmat ko‘rsatildi. Unda 40 nafarga yaqin kishi farzandini maktabgacha ta’lim tashkilotiga joylashtirish, elektr energiyasi, suv tarmog‘iga ulanish kabi davlat xizmatlaridan foydalandi. 

Shuningdek, Uchqo‘rg‘on tumani Davlat xizmatlari markazi xodimlari tomonidan markazdan 15 kilometr uzoqlikda joylashgan “Yangiobod” mahalla fuqarolar yig‘ini binosida Yangiobod, Ozod va Obod mahallalari aholisiga sayyor xizmat ko‘rsatildi. Hodimlar tomonidan fuqarolarga bolalarni bog‘chasiga joylashtirish, kam ta’minlanganlik, deb e’tirof etilganlik to‘g‘risida ma’lumotnoma olish, ijtimoiy muhofazaga muhtoj oilalarga nafaqa tayinlash kabi 30 dan ortiq davlat xizmati ko‘rsatildi. 

Bundan tashqari, fuqarolarga yoshga doir pensiya va nafaqaga chiqish, kadastr pasportini shakllantirish va boshqa davlat xizmatlari haqida tushunchalar berildi.