Toshkent shahar hokimligida “Xalq dardi bilan yashash, xalqqa xizmat qilish – eng asosiy vazifamiz!” shiori ostida o‘rganishlar tahlili va ustuvor vazifalarga bag‘ishlangan yig‘ilish bo‘lib o‘tdi.

Tadbirda davlat fuqarolik xizmatchilari o‘z vazifalariga shaxsiy mas’uliyatini yanada oshirishi lozimligi ta’kidlandi. Murojaatlar bilan ishlashda har bir fuqaroga alohida yondashish, e’tiborsiz bo‘lmaslik, masalalar muddatini inobatga olgan holda kechikishiga yo‘l qo‘ymaslik va murojaatlarni ijobiy hal etishda sektor rahbarlari, “mahalla yettiligi” bilan hamkorlik samarali natija berishi haqida fikr-mulohazalar bildirildi.  

Tadbir so‘ngida aholi tomonidan 2023-2024-yil birinchi chorak  davomida kelib tushgan murojaatlar tahlil qilindi va yo‘l qo‘yilayotgan mavjud kamchiliklar hamda kelgusida amalga oshirilishi lozim vazifalar muhokama qilindi.