Andijon shahrida “Yoshlar oyligi” doirasida ishsiz yoshlar hamda ishlash istagidagi fuqarolar bandligini ta’minlash maqsadida mehnat yarmarkasi tashkil etildi.

Tadbir 10 ming 500 bo‘sh ish o‘rni hamda 160 dan ortiq tashkilotni qamrab oldi. Shuningdek, oliy, professional va o‘rta maxsus ta’limni egallagan 3 mingdan ziyod fuqaro mavjud bo‘sh ish o‘rni bilan tanishish va ishga joylashish maqsadida yarmarkaga tashrif buyurdi. 500 ga yaqin fuqaro shu joyning o‘zida ish bilan ta’minlandi hamda 300 dan ziyod yigit-qiz bilan bilan kelishuv amalga oshirildi.