Sirdaryo viloyat prokurori Savid Imatov Shirin shahrida sektor rahbarlari, hokim yordamchisi, yoshlar yetakchisi va boshqa mutasaddi idora vakillari ishtirokida aholi bilan sayyor qabul o‘tkazdi.

Qabulda 65 nafar fuqarolar ishtirok etib, 32 ta murojaatlar kelib tushdi. Ushbu murojaatlarning 13 tasi joyida o‘z yechimini topdi. 4 tasiga huquqiy tushuntirishlar berildi, 15 nafar fuqaroning ishga joylashtirish, sog‘lig‘ini tiklash uchun davolanishga yordam berish, tadbirkorlik faoliyati bilan shug‘ullanishi uchun kredit ajratish, yo‘l ta’miri va shu kabi boshqa murojaatlari yozma ravishda qabul qilinib, ijrosi nazoratga olindi.  

Qabuldan so‘ng shahardagi profilaktik hisobda turuvchi yoshlar bilan suhbat o‘tkazildi. Yoshlarga kelajakda kasb egallashlari, bandligini ta’minlashda ko‘mak berish yuzasidan mas’ullarga tegishli ko‘rsatmalar berildi.  

Kun davomida baydarka va kanoeda eshkak eshish bo‘yicha “Prokuror kubogi” sport musobaqasi o‘tkazilib, g‘olib va sovrindorlarga tashkilotchilar tomonidan diplom va esdalik sovg‘alari topshirildi.