2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Farg‘onada o‘ttiz yillik muammolar hal etilmoqda

Bugun Farg‘ona viloyatidagi aksariyat mahallada tonglar qizg‘in bunyodkorlik ishlari bilan boshlanyapti: viloyat qishloq-mahallalarining 374 tasida ichki yo‘llar asfaltlashtirilib, 229 tasida ichimlik suvi va oqova suv ta’minoti bunyod etilayotgan bo‘lsa, 47 ta hududning elektr ta’minoti yaxshilanyapti. Qishloq-mahallalarning aksariyati iqtisodiy-ijtimoiy ahvoli eng og‘ir hududlardir.

Davlatimiz rahbari topshirig‘i asosida tuzilgan Respublika ishchi guruhining Farg‘ona viloyatidagi eng og‘ir-murakkab hududlardagi faoliyati bilan dasturlar ijrosi jadallashtirilyapti. Mahallalarda, xonadonlarda kechayotgan sayyor qabullarda yangi-yangi tizimli masalalar yechimi topilyapti. Darhaqiqat, xalq bilan muloqotning «Oqqo‘rg‘on tajribasi» bugun Farg‘onaning barcha tuman-shahrida birdek tatbiq etilyapti. 

Avvallari bir tumanga belgilangan dastur asosida o‘rtacha 5-6 km. ichki yo‘llarni asfaltlash uchun mablag‘ ajratilgan bo‘lsa, bugun birgina Quva tumanidagi 29 ta mahallada bir paytning o‘zida 192 km.dan ortiq yo‘llarni asfaltlash ishlari ketyapti.  

Bu – Quvada joriy yilda 38 baravar ko‘p ichki yo‘llar asfalt qilinyapti, degani. Birgina «Akbarobod» mahallasida 5 km. yo‘l asfaltlanishiga guvoh bo‘lib, aholi bilan so‘zlashar ekanmiz, quvaliklar bir iborani tez-tez tilga olishdi: «Bu kunlarni 30 yil kutdik...».  

E’tiborlisi, bitta tizimli masala hal qilinishi – Prezident virtual qabulxonasi va Xalq qabulxonalariga kelib tushgan yuzlab-minglab murojaatlarga ham yechim topildi, deganidir. Aytaylik, Quvaning «Namuna» mahallasidagi 3 km. yo‘lga beton qoplanayotgani bilan hududdagi 2 mingdan ziyod aholini o‘ylantirgan eng asosiy muammo hal qilinyapti yoki Toshloqning «Tog‘liq» va «Konizar» mahallalaridagi 14,2 km. yo‘l asfaltlashtirilishi bilan qariyb 8 ming nafar aholining uzog‘i yaqin, yo‘li ravon bo‘lyapti.  

Marg‘ilonda ham bunyodkorlik ishlari avjida. Shaharning birgina «Yangibog‘» mahallasida 1,5 km. ichimlik suvi va 700 metr oqova suv tarmog‘i bunyod etilishi bilan hududdagi qariyb 6 ming 250 nafar aholi to‘liq obi hayot bilan ta’minlanadi.  

Qo‘shtepa tumanida esa bu yil 16 ta mahallada 33,6 km. yangi elektr tarmog‘i qurilyapti. Bu 16 ta mahalladagi xonadonlar ham, ularda yashayotgan minglab insonlar qalbi ham charog‘on bo‘ladi, degani yoki birgina «Dehqonobod» mahallasidagi 1,4 km. elektr tarmog‘i tortilishi-yu 100 ga yaqin beton tayanchlar va yangi transformator o‘rnatilishi bilan 200 dan ziyod xonadonning elektr ta’minoti yaxshilanadi.  

Davlatimiz rahbari topshirig‘i asosida tuzilgan Respublika ishchi guruhining Farg‘ona viloyatidagi faoliyati davom etyapti.  

14.03.2023

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati

Foydali resurslar