Jizzax viloyatida O‘zbekiston Respublikasi Prezidenti maslahatchisining birinchi o‘rinbosari B.Islomov rahbarligidagi respublika ishchi guruhi sud-huquq masalalari bo‘yicha sayyor qabullar o‘tkazmoqda.
Mintaqaviy tartibda tashkil etilgan sayyor qabullar Mirzacho‘l tumanidan boshlandi. Bu yerda O‘zbekiston Respublikasi Oliy sudi raisining o‘rinbosari I.Muslimov Mirzacho‘l, Do‘stlik va Arnasoy tumanlaridan 60 nafar fuqaro qabul qilindi.
Sayyor qabulda jinoyat ishlari bo‘yicha 44 ta, fuqarolik ishlariga oid 11 ta, ma’muriy ishlar bo‘yicha 2 ta, iqtisodiy ishlarga doir 3 ta murojaat bo‘ldi. Shundan 57 ta fuqaroning og‘zaki murojaati, 3 ta fuqaroning yozma murojaati qabul qilindi.
Jami murojaatlarning 36 tasi bo‘yicha huquqiy tushuntirishlar berilgan bo‘lsa, 21 ta murojaat joyida ijobiy hal etildi. 3 ta murojaat bo‘yicha ariza Oliy sud tomonidan kassatsiya tartibida hal qilish uchun qabul qilinib, tegishli sudlov hay’atiga ko‘rib chiqish uchun o‘tkazildi.
Qabul davomida sayyor sud majlislari o‘tkazilib, 8 nafar shaxs jazoni o‘tashdan muddatidan oldin ozod qilindi. 10 nafar shaxsga nisbatan qo‘zg‘atilgan ma’muriy javobgarlik to‘g‘risidagi ish sud majlisida ko‘rilib, arizalar qanoatlantirildi.
Shuningdek, taraflar yarashganligi sababli 2 ta aliment undirish haqidagi sud buyruqlari bekor qilindi.
Fuqarolik ishlari bo‘yicha Do‘stlik tumanlararo sudi tomonidan taraflar yarashganligi va da’vogar da’vosidan voz kechganligi sababli merosdan ulushini undirish haqidagi fuqarolik ishi yuritishdan tugatildi.
Qabulda muammolari hal bo‘lgan 15 nafar fuqaro O‘zbekiston Respublikasi Prezidenti nomiga yozma tashakkurnoma bildirdi.
Shu tarkibdagi ishchi guruh tomonidan sayyor qabullar Paxtakor va Zafarobod tumanlari aholisi uchun Paxtakor shaharchasida, Baxmal va G‘allaorol tumanlari aholisi uchun O‘smat shaharchasida, Jizzax shahri, Forish va Sharof Rashidov tumanlari aholisi uchun Jizzax shahrida tashkil qilindi.
O‘zbekiston Respublikasi Prezidenti Administratsiyasi topshirig‘iga asosan sud-huquq masalalari bo‘yicha o‘tkazilayotgan sayyor qabullar davom etayotir.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |